Skip to content

Viðar Örn Eðvarðsson

Sérfræðingur í almennum barnalækningum og nýrnalækningum barna 

Menntun og sérfræðinám
Viðar lauk kandídatsprófi frá Læknadeild Háskóla Íslands árið 1987 og stundaði nám í almennum barnalækningum við Medical College of Georgia í Bandaríkjunum á árunum 1989-1992. Hann nam nýrnalækningar barna við St. Christopher´s Hospital for Children, Temple University, í Fíladelfíu í Bandaríkjunum á árunum 1992-1995. Viðar lauk bandaríska sérfræðingsprófinu í almennum barnalækningum (American Board of Pediatrics) árið 1992 og bandaríska sérfræðingsprófinu í nýrnalækningum barna (American Board of Pediatric Nephrology) árið 1995.

Störf 
Auk þess að starfa sem almennur barnalæknir og sérfræðingur í nýrnalækningum barna hjá Domus barnalæknum í Urðarhvarfi 8 í Kópavogi, þá er Viðar er sérfræðingur í nýrnalækningum barna við Barnaspítala Hringsins á Landspítala, og prófessor í barnalæknisfræði við læknadeild Háskóla Íslands.

Viðar er í stjórn Domus barnalækna og Barnalæknaþjónustunnar.

Sérstök áhugasvið
Á sviði nýrnalækninga barna: Blöðru- og þvaglekavandamál bæði dag og nótt (næturvæta); almennar nýrnalækningar, nýrnasteinar, og háþrýstingur.  

Á sviði almennra barnalækninga: Hægðatregða; kviðverkir; mígreni (migrain); ungbarnaóværð (ungbarnakveisa); svefnraskanir; kvíðaröskun; sýkingar; útbrot.

Vísindarannsóknir

  1. Nýrnasteinasjúkdómur, faraldsfræði og erfðir nýrnasteinasjúkdóms.
  2. Sjaldgæfar orsakir nýrnasteina og kristallamiðlaður nýrnaskaði og nýrnabilun.
  3. Blóðþrýstingur og háþrýstingur hjá íslenskum börnum og unglingum
  4. Ungbarnaóværð (ungbarnakveisa).

Móttaka sjúklinga
Á þriðjudögum frá kl. 08:30 – 16:00 og föstudögum frá 08:30 – 12:00.

Fræðsluefni

  1. Næturvæta (e. enuresis nocturna), þegar börn pissa undir
  2. Þvaglátaskrá vegna næturvætu