Helga Elídóttir

Sérfræðingur í almennum barnalækningum, og ofnæmis- og lungnalækningum barna

Menntun og sérfræðinám
Helga lauk prófi frá læknadeild Háskóla Íslands árið 2003. Hún lauk námi í almennum barnalækningum við Skånes Universitetssjukhus í Svíþjóð árið 2011 og í ofnæmislækningum barna árið 2013. Hún fór síðan í frekari sérhæfingu í barnalungnalækningum og tók evrópskt sérfræðipróf í þeirri grein. Helga er með doktorsgráðu (PhD) í barnalækningum frá Háskólanum í Lundi.

Störf
Helga var yfirlæknir barnalungnalækninga och Cystic Fibrosis (CF) Center barnasviðs við Skånes Universitetssjukhus á árunum 2014-2020. Hún flutti síðan heim til Íslands og starfar nú á Barnaspítala Hringsins. Helga gekk til liðs við Domus barnalækna í Urðarhvarfi í febrúar 2022. Helga er formaður félags íslenskra barnalækna og er í stjórn félags ónæmis- og ofnæmislækna.

Sérstök áhugasvið
Langvinnir lungnasjúkdómar, endurteknar lungnabólgur, langvinnur hósti, lungnasjúkdómur fyrirbura, meðfædd vandamál tengd öndunarvegum, astmi og ofnæmi

Vísindarannsóknir
Helga stundar rannsóknir tengdar barnalungnalækningum og er í samstarfi við erlenda háskóla og sjúkrahús vegna rannsókna á slímseigjusjúkdómi (cystic fibrosis).

Tilvísanir og tímabókanir
Helga er með móttöku miðvikudaga 8:30-16:00 og annan hvern mánudag.

Leitast er við að gefa öllum einstaklingum með tilvísanir frá læknum tíma innan tveggja til fjögurra vikna, en oftast mun fyrr. Allir geta bókað tíma hvort heldur sem er með eða án tilvísunar frá heilsugæslulækni í síma 563-1010 alla virka daga milli kl. 08:00 og 22:00. Þeir sem eru með tilvísun frá heilsugæslulækni fá afslátt af komugjaldi.

Fræðsluefni
facebook hópurinn barnalæknirinn er öllum opinn og þar má finna ýmsa fræðslu. Heimasíða AO.is er einnig með fræðsluefni tengt ofnæmi, astma og exemi.